خالد الغندور ينتقد بشدة سيد عبدالحفيظ: مستوى غير مقبول وحسبي الله ونعم الوكيل
هاجم خالد الغندور، نجم الزمالك السابق، سيد عبدالحفيظ، مدير الكرة السابق بالنادي الأهلي، بعد التصريحات الأخيرة التي أدلى بها ضده.
وكان سيد عبدالحفيظ قد صرح بطريقة ساخرة: «خوان ألفينا في شوية من خالد الغندور يمكن بس دمه مش تقيل زي خالد»
ورد خالد الغندور في فيديو نشره عبر صفحته على موقع التواصل الاجتماعي «فيس بوك»، قائلًا: «سيد عبدالحفيظ، ابن الفيوم، من عائلة متوسطة وراجل متدين، اتريق عليا قبل كده وقال (خالد الغندور اللي قد كده، كنوع من التنمر عليا لأني قصير من القامة)، رغم أن دي خلقة ربنا»
وأضاف: «أنا عمري في حياتي ما هطلع اتريق على سيد عبدالحفيظ، ولا على شكله ولا وشه ولا على شعره، لأن دي خلقة ربنا، التدين مفروض يأثر على أخلاقك وتصرفاتك»
وتابع: «هو احنا بنطلع في البرامج التلفزيونية عشان نقول شوية إفيهات أو نقول مونولوج، أنا بطلع أهزر على صفحاتي بدون إسفاف أو دون خروج عن النص، عمري ما اتريق على بني آدم أو زميل»
وواصل: «هو إنت تعرفني، إنت أصغر مني 6 سنين، بتقول خالد الغندور، كده. أنا رديت عليك وقولت كابتن سيد عبدالحفيظ، وأنت أصغر مني، أنا اتربيت على كده في أبويا ونادي الزمالك»
وأكمل: «أنا حزين جدًا على هذا المستوى المتدني اللي يخلينا نوصل لهذه المرحلة إن الناس بتقعد تتريق على بعض بدل من الكلام في الكورة»
وأتم خالد الغندور تصريحاته قائلًا: «حسبي الله ونعم الوكيل، وربنا يهدينا جميعًا»
تابعوا آخر أخبار عبر Google News