تصريحات شيكابالا حول رحيل زيزو عن الزمالك: هل يوجد تناقض في كلامه؟
أثارت تصريحات محمود عبدالرازق الكثير من الجدل في الساعات الأخيرة، خصوصًا بسبب تناقضها حول مسألة رحيل النجم أحمد سيد زيزو عن نادي الزمالك وانتقاله إلى النادي الأهلي خلال فترة الانتقالات الصيفية الماضية.
البداية كانت في الثامن عشر من شهر نوفمبر الماضي، تحديدًا في حفل نادي الزمالك بعد الفوز بلقبي كأس السوبر الأفريقي وبطولة الكونفدرالية.
قال شيكابالا: «في ناس بتقول إننا هنضايق لو زيزو كمل في الزمالك، لكن إحنا عايزين زيزو في النادي ودي الحقيقة، وغرفة الملابس قوية ومتحدة»
هذه التصريحات تكررت عندما صرح شيكابالا عبر قناة «إم بي سي مصر 2»: «زيزو هيكمل إن شاء الله في الزمالك» ومينفعش يمشي إحنا بنبني عليه، وهو قالي هيجدد»
وأضاف: «الزمالك قدر زيزو وليس اختياره، لازم يستلم راية النادي، أنا لو بإمكاني تكتيفه هعمل كدة علشان يفضل موجود»
ثم خرج شيكابالا مساء أمس السبت بتصريحات جديدة عبر قناة «إم بي سي مصر 2» مع الإعلامي إبراهيم فايق، حيث قال: «قعدت في جلسة مع حسين لبيب ومحمد عبدالشافي، وقولتله لازم نبيع زيزو ونستفيد من فلوسه حتى لو راح النادي الأهلي»
كما أوضح: «وكمان جوزيه جوميز قال نفس الكلام، وقالهم مش عايز حد مكانه، وكل لاعب يأخذ حقه، الزمالك بتاع المهاويس»
بينما اختتم حديثه بقوله: «مينفعش لاعب يستحوذ على كل الفلوس والباقي يكون مش لاقي، أكيد هتحصل مشاكل في غرف الملابس، وهيتقال اشمعنا إحنا، زيزو كان يتباع ونضم 3 لاعبين جدد»
– صورة أرشيفية.