رد ناري من رئيس تحرير الأهلي على تصريحات شيكابالا: ‘من جوة بايظة’
علّق إبراهيم المنيسي، رئيس تحرير مجلة الأهلي ومقدم برنامج «ملك وكتابة» على قناة النادي الرسمية، على تصريحات محمود عبدالرازق شيكابالا، قائد الزمالك السابق، حول بطولة دوري أبطال أفريقيا 2016.
حيث أدلى شيكابالا بتصريحات مفاجئة عبر برنامج «الكورة مع فايق»، أمس السبت، وذكر أن ما حدث في 2016 كان يشير لعدم الفوز باللقب.
وقال شيكابالا: «كنا 14 لاعب، منهم 2 أدخل عليهم ألاقيهم بيشيشوا في الأوضة»
ورد المنيسي عبر قناته على منصة «يوتيوب»: «امبارح شيكابالا قال حاجة كاشفة ووافية، أي تعثر الفريق بيرمي شماعة وبعد فترة تظهر الحقيقة»
وأضاف: «شيكابالا قال جملة (الشيشة)، الناس متاخودهاش في ناحية الشيشة لأن دي مشكلة كبيرة، لكن لما كابتن الفريق يقولك كنا 14 لاعب فقط، منهم 2 في الأوضة بيشيشوا في أوضة اللبس في الفندق»
وأكمل: «بص على ما وراء الكلام ده، شوف الناس دي وقتها لما كانوا مسؤولين كانوا بيقولوا إيه، اضطهاد وتحكيم ومش عايزنا نكسب، وهي من جوه بايظة، الناس بتشرب شيشة ليلة الماتش في الأوضة، 2 لاعيبة من 14، ناس كبيرة بدأت تسأل مين دول، وأغلب الظن الناس عارفاهم، مش ده الموضوع»
وتابع: «الموضوع لو الناس دي اتعودت تواجه مشاكلها بصراحة الدنيا هتتحل وهترجع مكانتها، لكن إنك تبحث كل مرة في سكة تانية، ومحدش يعاتبك والجمهور الغلبان يصدق عقدة الاضطهاد والمظلومية التاريخية، قنبلة الشيشة دي كاشفة، لأن بتبين لك المناخ جوه في إيه»