نصر أبو الحسن يتحدى جبهة إنقاذ الإسماعيلي: ‘إذا كان كلامكم صحيحًا، سأغادر النادي والفريق’
وجه نصر أبو الحسن، رئيس نادي الإسماعيلي، رسالة لجبهة إنقاذ الدراويش بعد إعلان تجديد الثقة في المجلس الحالي.
وكان المستشار محمد جاد علي بلاسي، رئيس اللجنة القضائية المشرفة على الاجتماع، قد أعلن عدم اكتمال النصاب القانوني، مما أدى إلى استمرار المجلس الحالي في مباشرة مهامه.
وقال أبو الحسن في مداخلة هاتفية عبر برنامج ملعب أون: «رغم أن الجمعية العمومية تعتبر جددت الثقة في مجلس الإدارة، ولكن أقول لأصحاب دعوة سحب الثقة من المجلس، إننا عندنا استعداد وفاتحين إيدينا لكل حاجة، ولو في حد عنده مستثمر زي ما قال»
وأضاف: «المستثمر لو جاء، لازم يكون في مجلس منتخب عشان يتعاقد معاه، مش الوزارة ولا المحافظة ولا لجنة معينة، وبالتالي أنا عندنا استعداد نتعاقد معاه ونديله النادي ونديله الفريق، واحنا نمشي، ولحد دلوقتي عندي استعداد لأني يهمني مصلحة الدراويش»
وتابع: «لو جاء مستثمر يشيل الشيلة دي كلها ويعمل فرقة كويسة للنادي الإسماعيلي، ويحقق آمال وطموحات الجماهير، أنا فاتح إيدي، والعقود تتعمل، ولكني مشوفتش مستثمر لحد دلوقتي، كله كلام، وأنا بتحدى إن أي حد عنده مستثمر، ولو ده صح، يجيبه وأنا اتعاقد معاه بكرة الصبح»